बिराटनगर कार्तिक २७
विराटनगरको पत्रकार महासंघको भवनमा दिउसो रेडियो मकालुको प्रस्तुतीमा संचारकर्मी तथा गीतकार विरेन्द्र कुमार साहको एकल आधुनिक गिती एल्वम "मन"को विमोचन भएको छ । उक्त एल्वमको विमोचन कलाकार दिपा श्री निरौला र रेडियो नेपालका गायक रामा मण्डल तथा विभिन्न साहित्यकारहरुको हातबाट गरीएको छ । साथैसोहि कार्यक्रममा रेडियो मकालु र इटस मनोज सोको संयुक्त प्रयास रेडियो अभियान शिक्षाको लागि यस वर्ष पूर्वाञ्चल वाल सेवा आश्रमका अनाथ बालबालिकाको निम्ति शिक्षाको लागि सहयोग प्रदान गरिदैंछ । उक्त कार्यक्रमको विशिष्ट अतिथीमा रेडियो नेपालका गायक रमा मण्डल, कलाकार दिपाश्री निरौला , र रेडियो मकालुको कार्यकारी प्रमुख प्रह्लाद प्रसाद साह रहनु भएको थियो । साथै बाणी प्रकासनका अध्यक्ष खेम नेपाली, नायक निराजन लुइटेल, गायक प्रवल देव विश्वास साथै नव प्रतिभाहरुको उपस्थिति रहेको थियो । अनाथ बालबालीकाको निम्ति संकलन भएको ७२०५ मा कलाकार दिपाश्री निरौलाले आफ्नो व्यक्तिगत तर्फबाट रु ६००० थप गरी जम्मा रु १३२०५ पूर्वाञ्चल बालसेवा आश्रमकासचिव नरेश प्रसाद खतिवडालाई हस्तातरण गर्नुभएको थियो । उक्त कार्यक्रममा पूर्वाञ्चल बालसेवा आश्रमका अनाथ बालबालीकाहरुको उपस्थिती रहेको थियो।
