प्रेम देवान
विराटनगर २० मंसिर ।
आसुसेन फिल्म प्रोडक्सनको व्यानरमा बनेको नेपाली कथानक चलचित्र ‘ प्रेम गीत’को मुख्य गीतमा गाउने प्रतियोगिलाई नगद एक लाख र आगामी बन्ने नयां चलचित्रमा गाउने दिईने भएको छ ।
आसुसेन फिल्म प्रोडक्सन्ले आज विराटनगरमा पत्रकार सम्मेलन गरी फिल्मको बारेमा जानकारी दिदै चलचित्र प्रेम गीत आगामी माघ २९ गते रिलिज हुने समेत जनाएको छ ।
पत्रकार सम्मेलनमा आसुसेन फिल्म प्रोडक्सन्का जनसम्र्पक अधिकृत रेसम जङ्ग शाहले चलचित्रको मुख्य गित ‘ म यस्तो गित गांउछु ’ भन्ने गीतमा गाउनेलाई उचित पुरस्कार सहित आगामी फिल्ममा गाउने मौका दिईने जानकारी दिनुभयो । सेनले भन्नुभयो – यसमा गीतमा जो सुकै व्याक्तीले पनि गीत गाउन सक्छन् यसका लागी – www.aasusenflims.com/context मा आफुले गाएको गीत अपलोड गर्न आग्रह गरेका छन् ।
यसपालीको प्रेम दिवसलाई मध्य नजर गर्दै ल्याउन लागीएको चलचित्र प्रेमगीतमा प्रदिप खड्का,पुजा शर्मा मुख्य नायक,नायीका रहेका छन् भने अन्य कलाकारहरुमा सरोज खनाल, रुपा राणा, लक्ष्मी गिरी, लगायत रहेका छन् । फिल्मको निर्देशन सुर्दशन थापाले गर्नुभएको छ भने निर्मातामा सन्तोष सेनको रहेको छ । चलचित्र प्रेमगीतको छायाकंन काठमान्डौ, पोखरा, र मुस्ताङ्ग लगायतका स्थानमा भएको र करिब एक करोड दश लाख खर्च भएको निर्माण कम्पनीले जनाएको छ ।
