झापा, मंसिर २५
झापा जिल्लाको गरामनी ३ स्थित देउनिया बस्तीमा गएराती एउटा जंगली हात्ती आई चार घरमा क्षती गरेको छ।
हात्तीले गरामनि ३ का राजु परियार, कमला परिया, लिखिराम मुर्मु र बन्दु उरावको घरको टाटी बेरा भत्काएको हो। उनीहरूको घरभित्र रहेको खाधान्नसमेत नष्ट भएको छ। घर भत्किंदा उनीहरुको करिब एक लाख बराबरको क्षती भएको पिडितहरुले बताएका छन।
उक्त हात्ती जिल्ला प्रहरी कार्यालय झापाबाट गएको प्रहरी टोली र गाउँलेहरु मिलेर लखेटेका छन्।
