विराटनगर । विराटनगर विमानस्थलमा गुण एयरको ७२४ नम्बरको विमानमा चरा ठोकिएको छ । विराटनगरबाट ‘टेक अफ’ गर्दै गरेको गुण एयरको विमानमा चरा ठोक्किएपछि आकस्मिक अवतरण गरेको हो ।
विराटनगर विमानस्थलका प्रमुख उत्सव खरेलले आइतबार साँझ साढे ६ बजे टेक अफ गर्ने बेलामा चरा ठोक्किएपछि विमानलाई होल्ड गरिएको छ । विमानमा क्षति भएको नभएको विषयमा भोलि इन्जिनियर आएर परीक्षणपछि मात्रै उडान भर्नेछ । यात्रुहरु सुरक्षित रहेका छन् । विमानमा ३० जना रहेको खरेलले जानकारी दिनुभयो । विराटनगरबाट गुण एयरको काठमाण्डौं नियमित दुई वटा उडान हुदै आएको छ ।
