विराटनगर । ताप्लेजुङको फुङलिङ नगरपालिका-९ गुरुङ गुम्बामा ट्रयाक्टर दुर्घटना हुँदा १ जनाको मृत्यु भएको छ भने ३ जना घाईते भएका छन् ।
मृत्यु हुनेमा फुङलिङ नगरपालिका-८ बस्ने २८ बर्षीय रुपेश राई रहेका छन् । शनिबार बेलुका करिब ६ बजे सोहि स्थानको भित्री सडक खण्डमा दाउरा लिएर दक्षिणतर्फ आउँदै गरेको मे १ त ७७८ नम्बरको ट्रयाक्टर अनियन्त्रीत भई सडकबाट १५ मिटर तल खसेर दुर्घटना हुँदा घटनास्थलमानै राईको मृत्यु भएको हो भने ३ जना जिल्ला अस्पताल ताप्लेजुङमा उपचारार्थ छन् । घटनाबारे जानकारी पाएलगतै घटनास्थल पुगेको जिल्ला प्रहरी कार्यालय ताप्लेजुङले घाईतेलाई उद्दार गरी जिल्ला अस्पताल पुर्याएको थियो ।
घटना बारेमा थप अनुसन्धान भईरहेको जनाएको छ ।
