पाँचथर, माघ ५ ,
विवाह गर्न भनी केटी हेर्न आएका एक युवकबाटै पाँचथरमा एक युवती बलात्कृत भएकी छन् ।
पाँचथरको पंचमी गाविस ४ की एक युवतीलाई मोरङ जिल्लाको सिजुवा गाविस ३ बस्ने हेमराज अधिकारीले विवाहको कुरा गर्नु छ भन्दै सोही गाविस स्थित नर वहादुर योङहाङको घरमा बोलाउन लगाई घर धनि र अन्य दुई जनाको सहयोगमा बलात्कार गरेको पिडितले उजुरी दिएकी हुन्।
जिल्ला प्रहरी कार्यालय पाँचथरमा दिएको उजुरीमा पिडित युवतीले पौष २४ गते दिउँसो १ बजे नर बहादुरले आफूलाई केटा हेर्न आएको छ भनि बोलाएको र एउटै कोठामा केटा र केटीलाई राखेर बाहिरबाट चुकुल लगाई दिएपछि ती युवकले उनीमाथी जबरजस्ती करणी गरेको उल्लेख गरेकी छन्।
उजुरीमा उनले कोठामा चुकुल लगाउने कार्यमा पाँचथर पंचमी ३ बस्ने बिजय योङहाङ र बिक्रम योङहाङको पनि सहयोग रहेको बताएकी छन्।
मुख्य प्रतिवादी हेम बहादुर र सहयोगी नरबहादुरलाई जबरजस्ती करणी अन्तरगत म्याद थप गरी अनुसन्धान शुरु गरिएको तथा अर्का दुई जना आरोपित फरार रहेकाले खोजतलाश भइरहेको जिल्ला प्रहरी कार्यालय पाँचथरले जनाएको छ।
