विराटनगर । मोरङको बुढीगंगा गाउँपालिका-२ स्थित बुढीखोलामा डुवी बालिकाको मृत्यु भएको छ ।
शुक्रबार दिउँसो करिब १ बजे स्थानिय मजुलम मियाको ८ बर्षीया छोरी रुसिना खातुन दिदी सुहाना खातुन संगै पौडी खेल्ने क्रममा खोलाले बगाई बेपत्ता भएकि थिइन । बेपत्ता भएकि रुसिनाको तत्काल स्थानियबासी, नेपाल प्रहरी र सशस्त्र प्रहरीको टोलीले खोज तलास गर्ने क्रममा सोही स्थानमा डुवी मृत अवस्थामा लाश फेला पारेको हो । मृतक बालिकाको लाशलाई पोष्टमार्टमको लागि कोशी अस्पताल विराटनगर पठाईएको थियो।
घटना बारेमा जिल्ला प्रहरी कार्यालय मोरङबाट थप अनुसन्धान भईरहेको जनाएको छ ।
