मोरङ,माघ २७
मोरङ जिल्लाको बेलबारी नगरपालिकामा मंगलबार दुई मोटरसाईकल एकआपसमा ठक्कर खाँदा दुई जना घाईते भएका छन् ।
बेलबरी ४ स्थीत भित्री सडकखण्डमा को २० प ४४०५ नम्बरको मोटरसाईकललाई बिपरीत दिशाबाट आउदै गरेको नम्बर नखुलेको मोटरसाईकलले ठक्कर दिई फरार भएको थियो।
दुर्घट्नाबाट घाईते हुनेमा बेलबारी ४ बस्ने ४५ बर्षिय हेमराज थापा र पछाडी सवार ३० बर्षिय प्रेम राई रहेका छन्।
घाईते दुवैलाई उपचारकोलागी विपि कोईराला स्वास्थ्य विज्ञान प्रतिष्ठान धरान पठाईएको छ ।
फरार रहेको मोटरसाईकलको पहिचान तथा खोजि कार्य भईरहेको इलाका प्रहरी कार्यालय बेलबारीले जनाएको छ ।
