काठमाडौं । कक्षा १२ को नतिजा आज सार्वजनिक नहुने भएको छ ।
परीक्षाको नतिजा सार्वजनिक गर्न आज दिउँसो ३ः३० बजेलाई परीक्षा बोर्डको बैठक बोलाइए पनि बैठक स्थगित भएका कारण परीक्षाको नतिजा आज सार्वजनिक नहुने भएको हो ।
बोर्डका प्रशासन महाशाखा प्रमुख जङ्गबहादुर अर्यालले भन्नुभयो, ‘‘परीक्षा बोर्डको बैठक नबस्ने भयो र अर्को बैठक बस्ने मिति र समय पनि टुङ्गो लागिसकेको छैन ।’’बोर्डले आजै मात्र मोबाइलमार्फत नतिजा हेर्न भनेर लिंक समेत सार्वजनिक गरिसकेको छ ।
बोर्डले सार्वजनिक गरेको सूचना हेर्नुहोस् :
कक्षा १२ को नतिजा सजिलैसँग प्राप्त गर्नको लागि Landline/Mobile बाट १६०१ डायल गरी निर्देशन अनुसार SYMBOL NUMBER थिच्नुहोस् वा SMS बाट NEB टाइप गरी १६०१ मा पठाउनुहोस्। https://neb.ntc.net.np बाट पनि नतिजा हेर्न सकिन्छ। नेपाल टेलिकम, राष्ट्रको सञ्चार ।
