विराटनगर । नवौं राष्ट्रिय खेलकुद प्रतियोगितामा सहभागी हुन मोरङ जिल्लाबाट ४५८ खेलाडी छनौट भएका छन् ।
आगामी असोज २८ देखि कात्तिक ३ गतेसम्म गण्डकी प्रदेशमा हुने नवौं राष्ट्रिय खेलकुद प्रतियोगितामा मोरङबाट २७ खेल विधाका लागि खेलाडी छनौट भएका हुन् ।
जिल्लामा छनौट भएका खेलाडीले प्रदेशस्तरीय छनौट प्रतियोगितामा सहभागी हुनुपर्नेछ । यहि भदौ २४ गते देखि हुने प्रदेश १ छनौट प्रतियोगितामा सहभागी हुनेछन्। मोरङको सुन्दरहरैंचा, बेलबारी, बुढीगंगा र विराटनगर पालिकहरुमा छनोट सम्पन्न भएको जानकारी मोरङ जिल्ला खेलुकुद विकास समितिका कार्यालय प्रमुख राजन कुमार पोखरेलले जानकारी दिएका छन्।
छनौट भएका खेलाडीहरुलाई जिल्ला खेलकुद बिकास समितिले बन्द प्रशिक्षणमा नराखेपनि सम्बन्धित खेलका संघहरु र स्वयम् सेवक प्रशिक्षकहरुको सक्रियतामा प्रशिक्षण भने जारी रहेको छ।
