बिनु तम्सिना
चैते धान खेती गर्दा अनुदान पाउने भएपछि पूर्वी मोरङका कृषकहरु यसतर्फ आकर्षित भएका छन् । उन्नत जातको बिउ र नयाँ प्रविधिबाट चैते धान खेति गर्दा सरकारले नगद अनुदान दिने भएपछि कृषकहरु आकर्षित भएका हुन् । एक रिपोर्ट....
चैतेधान लगाउँदा प्रति हेक्टर ५ हजार नगद र बीउमा ५० प्रतिशत अनुदान पाउने भएपछि जिल्लाका कृषकहरु यसतर्फ आकर्शित भएका छन् । एसआरआइ प्रविधिबाट चैतेधान खेति गर्दा उत्पादन पनि बढि हुने र अनुदान पनि पाउने भएपछि कृषकहरु उत्साहित भएका छन् । पहिले–पहिले परम्परगत तरिकाले चैतेधानको खेति गर्दै आएका कृषकहरु अनुदान पाउने भएपछि एसआरआइ प्रविधिबाट चैतेधानको खेति गर्न थालेका छन् ।
परम्परागत तरीकाबाट चैतेधान खेति गर्दै आएका जिल्लाका कृषकहरु उत्पादन बढि हुने, नगद र मेसिन समेत अनुदान पइने भएपछि अहिले भने एसआरआइ प्रविधिबाट चैते धान खेति गरिरहेका छन् । जिल्ला कृषि विकास कार्यालय मोरङले बृहत्तर धान उत्पादन कार्यक्रम अन्तरगत जिल्लाभरी ११ सय हेक्टर क्षेत्रफलमा चैतेधान लगाउने उद्देश्य राखेको छ । जसअन्तर जिल्लाका धान उत्पादन हुने पकेट क्षेत्रलाइ छनौट गरेर कार्यक्रम लागु गरिएको जिल्ला कृषि प्रसार अधिकृत सत्यदेव मण्डलले बताउनुभयो ।
कार्यालयले एसआरआइ प्रविधिबाट चैते धान लगाउने किसानलाई ५ हजार नगद र बीउमा ५० प्रतिशत अनुदानका साथै प्रतिहेक्टर ५ टन धान फलाउनेलाई थप ५ हजार नगद दिने कार्यक्रम छ । मोरङ जिल्लामा यसअघि प्रतिहेक्टर ४ मेट्रिकटन चैतेधान उत्पादन हुनेमा यो कार्यक्रम लागु भएपछि प्रतिहेन्टर ५ मेट्रक्टन धान उत्पादन गर्ने लक्ष्य लिइएको छ ।
