बिराटनगर चैत्र २२
मोरङ जिल्लाको मोतीपुर र बयरबनमा आइतबार साँझ भएको सवारी दुर्घटनामा तीन जना घाइते भएका छन्। मोरङको मोतीपुर ७ कटहरी स्थित भित्री सडक खण्डमा पूर्वबाट पश्चिम तर्फ जाँदै गरेको बा ४ च ३६७८ नम्बरको मारुती भ्यान सडकको साईडमा अचानक पल्टदा सोहि भ्यानका चालक कटहरी ३ बस्ने ३५ बर्षिया रोहित चौधरी र उक्त भ्यानमा सवार सोहि स्थान बस्ने ४५ बर्षिय अन्तराम चौधरी घाइते भएका हुन्। घाइते दुवैको बिराटनगर स्थित नोवेल अस्पतालमा उपचार भईरहेको प्रहरी चौकी मोतिपुरले जनाएको छ। त्यसैगरी बयरबन १ हर्कपुर स्थित भित्री सडक खण्डमा आइतबार साँझ ट्याक्टरको ठक्करबाट एक साईकलयात्री घाइते भएका छन्। उत्तरबाट दक्षिण तर्फ आईरहेको को १ त ५०८९ नम्बरको ट्याक्टरले बिपरित दिशा तर्फ जादै गरेको सोहि स्थान बस्ने ७० बर्षिया साइकलयात्री जालिम सिंह खवासलाई ठक्कर दिएको थियो। ठक्करबाट गम्भिर घाइते खवासको गोल्डेन अस्पताल बिराटनगरमा उपचार भईरहेको छ भने ठक्क।रदिने ट्याक्टर र चालकलाई इलाका प्रहरी कार्यालय दोहवनाले नियन्त्रणमा लिएको उक्त कार्यालयले जनाएको छ।
