विराटनगर । विराटनगरमा छायांकन भएको फिल्म ‘बिहे पास’ आउँदो बर्षको पहिलो दिन रिलिज गर्ने तयारी भइरहेको छ।
प्रवेश पौडेलको निर्देशनमा निर्माण भएको फिल्म ‘बिहे पास’ आउँदो बर्षको पहिलो दिनबाट रिलिज गर्ने तयारीमा निर्माणपक्ष लागेको छ । केही दिनमै फिल्मको फस्टलुक र प्रदर्शन मिति सार्वजनिक गर्ने तयारीमा निर्माणपक्ष लागेको स्रोतको दावी छ ।
फिल्म ‘बिहे पास’मा दयाहाङ राई र प्रकृती श्रेष्ठ मुख्य भूमिका रहेको छ । फिल्ममा प्रकृती दयाकी श्रीमतीको रुपमा देखिएकी छिन् ।
रोहित कट्टेलको प्रस्तुति रहेको यो फिल्मका कार्यकारी निर्माता रत्न श्रेष्ठ हुन् भने सह-निर्मातामा ग्याल्जेन लामा छन् । आकाश बराल, सजन काफ्ले र मर्रे केरले फिल्मको कथा लेखेका हुन् ।
