विराटनगर । विराटनगरको एक कोल्ड स्टोरमा ग्यास लिक हुँदा निसास्सिएर एक जनाको मृत्यु भएको छ ।
विराटनगर–४ मा रहेको रामजानकी कोल्ड स्टोरमा ग्यास लिक हुँदा बिहीबार दिउँसो एक जनाको मृत्यु भएको हो ।
मोरङ प्रहरीका प्रवक्ता डीएसपी दीपक श्रेष्ठका अनुसार ग्यास लिक हुँदा निसास्सिएर विराटनगर–५ का ५४ वर्षाीय रौदी चौधरीको मृत्यु भएको छ । चौधरी उक्त कोल्ड सेन्टरमा मिस्त्रीको काम गर्दै आएका थिए ।
ग्यास लिक हुँदा निसास्सिएर बेहोस भएका चौधरीको उपचारका क्रममा विराट नर्सिङ होममा दिउँसो २ बजे मृत्यु भएको श्रेष्ठले बताए । मृतकको लासलाई पोस्टमार्टमको लागि कोशी अस्पताल लगिएको छ।
