चितवन चैत्र २४
चितवनमा गएराति भएको दुर्घटनामा सातजना घाइते भएका छन् । दारेचोक गाविसस्थित मुग्लिनबजार नजिकै माइक्रोबस र ग्यास बुलेट एक आपसमा ठोक्किएर दुर्घटना भएको हो । घाइतेमध्ये दुईजनाको अवस्था चिन्ताजनक रहेको जिल्ला प्रहरी कार्यालय चितवनले जनाएको छ । प्रहरीका अनुसार काठमाडौंबाट नारायणघाटतर्फ आउँदै गरेको ना २ ख ४७४० नम्बरको माइक्रो र विपरीत दिशातर्फ जाँदै गरेको एमएल–०१–एल–२७६६ नम्भरको भारतीय गाडी एकआपसमा ठक्कर खाँदा उक्त दुर्घटना भएको हो । सो दुर्घटनामा परी घाइते भएकाहरुको चितवन मेडिकल कलेजमा उपचार भइरहेको प्रहरीले जनाएको छ ।
