युनाइटेड अरब इमिरेट्स (यूएई) विरुद्धको पहिलो एकदिवसीय खेलमा नेपालले पहिले फिल्डिङ गर्ने भएको छ । कीर्तिपुरस्थित त्रिवि क्रिकेट मैदानमा नेपालका कप्तान रोहित पौडेलले टस जितेपछि बलिङको निर्णय गर्दै पाहुना टिमलाई ब्याटिङको निम्तो दिए ।
नेपालले यूएईसँग तीन खेलको एकदिवसीय क्रिकेट शृङ्खला खेल्ने तालिका छ । शृङ्खलाको दोस्रो खेल कात्तिक ३० गते र अन्तिम खेल मंसिर २ गते हुनेछ ।
खेलको 'म्यान अफ दी म्याच' ले २० हजार र 'प्लेयर अफ दि टुर्नामेन्ट' ले ५० हजार पाउने नेपाल क्रिकेट संघ (क्यान)ले जनाएको छ ।
