विराटनगरमा क्रिकेट अभ्यासको निम्ति नयाँ क्रिकेट एकेडेमी संचालनमा आएको छ । विराटनगरको दुर्गा चोकमा मेरिल्याण्ड क्रिकेट एकेडेमी संचालनमा आएको हो । आज एक कार्यक्रमबीच उक्त क्रिकेट एकेडेमी संचालनमा आएको हो ।
उक्त क्रिकेट एकेडेमीलाई मेरिल्याण्ड कलेजले प्रायोजन गरेको तथा गुराँस क्रिकेट क्लब उक्त एकेडेमीको पार्टनर रहेको छ ।
आज एक कार्यक्रमबीच मेरिल्याण्ड कलेजका अध्यक्ष गुणराज ढुंगेल, कलेजका निर्देशक मनोज गुप्ता, एकेडेमीका निर्देशक कुनाल खतिवडा, क्रिकेट प्रशिक्षक महेश रिजाल, प्रदिप राज पाण्डे, रोशन बुढाथोकी, प्रदेश १ का बास्केटबल प्रशिक्षक सरोज लम्साल, ओबी मिडियाका निर्देशक बिबेक दाहाल लगायतको उपस्थिति रहेको थियो ।
१६ बर्ष मुनि र १९ बर्ष मुनिका खेलाडीहरुलाई क्रिकेट अभ्यासको वातावरण बनाएर विराटनगरबाट राष्ट्रिय तथा अन्तराष्ट्रिय खेलाडी उत्पादन गर्ने उदेश्य रहेको मेरिल्याण्ड क्रिकेट एकेडेमीका संयोजक कुनाल खतिवडाले जानकारी दिए ।
