नेपाल क्रिकेट संघ (क्यान) मंसिर अन्तिम सातादेखि सुरु हुने नेपाल टी–२० लिगको तालिका सार्वजनिक भएको छ ।
क्यानले लिगको पहिलो संस्करणको तालिका सार्वजनिक गरेका हो । सार्वजनिक तालिकाअनुसार उद्घाटन खेलमा काठमाडौं गुर्खाज र पोखरा एभेन्जर्सबीच प्रतिस्पर्धा हुनेछ ।
मंसिर २६ गतेदेखि पुस १६ गतेसम्म चल्ने प्रतियोगिता डबल राउन्ड रोविन पद्दतिमा सञ्चालन हुनेछ । सबै खेलहरू कीर्तिपुरस्थित त्रिवि क्रिकेट मैदानमा हुनेछन् ।
प्रतियोगिताको लिग चरणमा प्रत्येक दिन दुई खेल हुनेछन् भने प्लेअफमा दिनको एक खेल हुनेछ ।
नेपाल टी–२० को पहिलो संस्करणमा काठमाडौं गुर्खाज, पोखरा एभेन्जर्स, फार वेस्टर्न युनाइटेड, लुम्बिनी अल स्टार, जनकपुर रोयल्स र विराटनगर सुपर लिग गरी ६ टिमको सहभागिता छ ।
