विराटनगर । जर्बरजस्ती करणी भएको आठ महिनापछि पीडित महिलाले प्रहरीमा जाहेरी दिएकी छिन् ।
पीडितको जाहेरीका आधारमा प्रहरीले २०७९ बैशाख २७ गते घटनामा संलग्न भएको आरोपमा चारजनालाई पक्राउ गरेर अनुसन्धान सुरु गरेको हो ।
इलाका प्रहरी कार्यालय इटहरीका प्रहरी निरीक्षक भीमबहादुर खड्का अनुसार गत बैशाख २७ गते बेलुका ८ बजे इटहरी–१० निवासी १९ वर्षीया किशोरी विवाहबाट फर्कने क्रममा बुढीखोला किनारमा उनीमाथि जर्बरजस्ती करणी भएको थियो ।
घटनामा संलग्न इटहरी १० का २५ वर्षीय विकास चौधरी, २८ वर्षीय मुकेश चौधरी, २० वर्षीय धिरज चौधरी र ३१ वर्षीय सरोज चौधरीले कसैलाई भनिदिए मारिदिने धम्की दिएपछि उनी प्रहरीसम्म जान नसकेको भन्दै मंसिर १७ गते जाहेरी दिएकी हुन् ।
आरोपितले पीडितमाथि डरधम्की दिएर परिवारलाई नै मार्ने भनेपछि जाहेरी दिन नआएको तर डरधम्की दिने काम निरन्तर गरेपछि जाहेरी दिन बाध्य भएको पीडितले प्रहरीमा लेखाएको उजुरीमा उल्लेख छ । प्रहरीले पीडितको जाहेरीका आधारमा आरोपित चारैजनालाई पक्राउ गरेर सुनसरी जिल्ला अदालतबाट पाँच दिनको म्याद थप गरि अनुसन्धान सुरु गरेको छ ।
