विराटनगर । विराटनगरमा विद्यालयस्तरीय तेस्रो संस्करणको विराटनगर बास्केटबल कप प्रतियोगिताको फाइनल खेल सम्पन्न भएको छ ।
विराटनगर बास्केटबल एकेडेमीको आयोजनामा पुरुष र महिलातर्फ फाइनल खेल आज सम्पन्न भएको हो ।
कोबास कलेजको बास्केटबल कोर्टमा आज भएको फाइनल खेलमा पुरुष तर्फ सगरमाथा स्कुललाई ३७-२८ अङकले पराजित गर्दै बिकेभीएम स्कुल विजयी भएको छ ।
त्यसैगरी महिलातर्फको भएको फाइनल खेलमा पोखरीया स्कुललाई २-४ अङकले पराजित गर्दै अरनिको स्कुल विजयी भएको हो।
कार्यक्रमको प्रमुख अतिथि प्याब्सन विराटनगरका अध्यक्ष मोहन बुढाथोकी,विशिष्ट अतिथि नेपाली कांग्रेस विराटनगरका सभापती दिपक चापागाई र विराटनगर बास्केटबल एकेडेमीका अध्यक्ष सरोज लम्सालले खेलाडीहरुलाई पुरस्कार वितरण गरेका थिए।
पुरुष र महिलातर्फको खेलमा क्रमशः बिकेभीएम स्कुलका गुनानन्द यादव र अरनिको स्कुलको ‘उत्कृष्ट’ खेलाडी घोषित भएकाहरुलाई ट्रफी वितरण गरिएको थियो ।
विद्यालयस्तरीय तेस्रो विराटनगर बास्केटबल प्रतियोगितामा महिला र पुरुष गरी ८ वटा टिमको सहभागिता रहेको कार्यक्रम संयोजक मुकेश यादवले बताएका छन्।
बास्केटबल कपको पहिलो संस्करण विराटनगरको सगरमाथा स्कुल र दोस्रो संस्करण भने इटहरीको विश्व आदर्श स्कुलले जितेको थियो।
