विराटनगर । एम्स कलेज विराटनगरमा बि.एच.एम.मा अध्ययनरत दुईजना छात्रा देवका श्रेष्ठ र ममता राई ३.९२ जीपीएमा उत्तिर्ण भएका छन् । बि.एच.एम. दोस्रो सेमेस्टरतर्फ दुवैजना छात्राले प्रदेश १ मा उत्कृष्ट नम्बर प्राप्त गर्न सफल भएको कलेज प्रशासनले जानकारी दिइएको हो ।
उत्कृष्ट नतिजा ल्याउन सफल विद्यार्थीलाई कलेजले बुधबार एक कार्यक्रमको आयोजना गरेर नगद पुरस्कारसहित सम्मान गरेको छ । क्याम्पस प्रमुख राकेश भट्टले शिक्षक, अभिभावक र विद्यार्थीको निरन्तरको अभ्यास र प्रयत्नले उत्कृष्ट नतिजा प्राप्त भएको त्यस अवसरमा बताएका छन् ।
कार्यक्रममा कलेजका अध्यक्ष तुलसी पोखरेलले विद्यार्थीको भविष्य बनाउनका लागि कलेजले आफ्नोतर्फबाट सक्दो प्रयास गरिरहेको बताउँदै त्यसले सार्थकता पनि प्राप्त भएको बताएका थिए । विद्यार्थी केन्द्रीत भएर अध्यापन र शिक्षण सिकाईमा जोड दिईने पोरखेलको भनाई थियो ।
