विराटनगर । विराटनगर महानगरपालिका–४ स्थित खराजी चोकदेखि उत्तर करिब ४० मिटर अगाडी कारको ठक्करबाट एक साईकल चालक घाइते भएका छन् ।
शनिवार कोसी राजमार्गअन्तर्गत उत्तरबाट दक्षिणतर्फ आउँदै गरेको साईकल र कार एकआपसमा ठोकिँदा साईकल चालक घाइते भएको हो।
प्रदेश ३-०१०२२ च ५६७७ नम्बरको कारले साइकल चालक बुढीगंगा गाउँपालिका १ बस्ने वर्ष ३८ का राकेश कार्कीलाई ठक्कर दिएको थियो । कार्कीको स्वास्थ्य अवस्था सामान्य छ ।
ठक्कर दिएको कार मोरङ प्रहरीले नियन्त्रणमा लिएको छ भने चालक फरार रहेको प्रहरीले जनाएको छ ।
उनको खोजी कार्य भईरहेको जिल्ला ट्राफिक प्रहरी कार्यालय मोरङले जनाएको छ ।
कारको अगाडीको भागमा पुर्ण क्षति पुगेको छ । भने साइकल पुर्ण रुपमा क्षती भएको छ ।
