विराटनगर । मंसिर ४ मा सम्पन्न भएको निर्वाचनमा सबभन्दा बढी मतदाता रहेको मोरङमा प्रतिनिधिसभा सदस्यमा १ सय ५ र प्रदेशसभा सदस्यमा १ सय १० गरी २ सय १५ उम्मेदवार थिए ।
प्रतिनिधिसभा निर्वाचन क्षेत्र ६ र प्रदेशसभा निर्वाचन क्षेत्र १२ वटा रहेको यस जिल्लाका अधिकांश उम्मेदवारले प्रदेश १ निर्वाचन आयोगको कार्यालय विराटनगरमा खर्च विवरण बुझाएका छन् ।
२ सय १५ उम्मेदवारमध्ये २ सय ११ जनाले खर्च विवरण बुझाइसकेका छन् । अब ४ जनाले मात्रै खर्च विवरण बुझाउन बाँकी रहेको प्रदेश निर्वाचन कार्यालयले जनाएको छ ।
जिल्लामा सबभन्दा बढी खर्च गर्ने प्रतिनिधिसभा सदस्यतर्फका उम्मेदवारमध्ये कांग्रेसका सुनील शर्मा ३० लाख ६४ हजार खर्च गरेका छन्। सबभन्दा कम खर्च गर्नेमा शर्माकै प्रतिद्वन्दी रहेकी राप्रपाबाट उम्मेदवारी दिएकी रेखा थापाले ३ लाख ९ हजार रुपैयाँ मात्रै खर्च भएको विवरण निर्वाचन कार्यालयमा बुझाएकी छन् ।
