विराटनगर । अंग्रेजी महिनाको सन् २०२२ साललाई विदाई गरी नयाँ बर्षलाई स्वागत गरिएको छ । गएराती १२ बजेपछि अंग्रेजी महिनाको सन् २०२३ साललाई भव्य रुपमा स्वागत गरिएको छ ।
यसैविच विराटनगरको रोडशेषमा रहेको चारतारे विग होटलले पनि नयाँ बर्षमा विविध साँगितीक कार्यक्रम गरी मनाइएको छ । विग होटलले हरेक बर्ष नयाँ बर्षलाई विशेष साँगितीक कार्यक्रम गरी मनाउदै आएको छ ।
यसपटक पनि वोन फायर सहित नयाँ बर्षलाई स्वागत गर्दै ‘न्यु इयर ईभ २०२३ ’ मनाएको छ ।
न्यु इयर ईभमा ‘नेपाल आईडल सिजन ३’ की विजेता सज्जा चौलागाई सहितको व्याण्डले भरपुर मनोरन्जन प्रदान गरेको थियो । चौलागाइको प्रस्तुतिमा सहभागी भएका दर्शकहरुले नाचेर साथ दिएका थिए ।
झन्डै आदा दर्जन बढी गीत उनले प्रस्तुत गरिरहँदा उनलाई विराटनगरवासीले गीतसँगसगै नाचेर साथ दिएका थिए । साथै ‘न्यु इयर ईभमा आरिफ रफ र स्थानिय व्याण्ड सुभम एण्ड व्याण्डले पनि आफ्नो साँगितीक प्रस्तुति दिएका थिए ।
साँझ ७ बजेबाट सुरु भएको कार्यक्रममा साँगितीक प्रस्तुतिसँगै विभिन्न आर्कषित खेलहरु पनि खेलाइएको थियो ।
कार्यक्रममा सहभागी भएका साना नानी र ठुला व्यक्तिहरुलाई फरक फरक खेलहरु खेलाएको थियो । खेलमा जित्नेहरुलाई पुरस्कारको समेत व्यवस्था गरिएको थियो ।
यसैविच विराटनगरका अन्य होटल तथा रेष्टुराहरुले पनि आ-आफ्नै तरिकाले नयाँ बर्षलाई भव्य रुपमा स्वागत गरि न्यु ईयर ईभ मनाएका छन् ।
