विराटनगर । विराटनगरको हाम्रो पहिलो पाईला सामाजिक संस्थाले न्यानो कपडा वितरण गरेको छ ।
सोमबार हाम्रो पहिलो पाईलाको न्यानो माया अभियान अन्तर्गत विराटनगर १८ स्थित भेडयारिमा रहेको श्री विराट आधारभूत विद्यालयका विद्यार्थीहरुलाई न्यानो कपडा वितरण गरेको हो ।
चिसो बढेसगै उक्त विद्यालयका ८५ जना विद्यार्थीहरुलाई स्विटर, टोपी,मोजा लगायतका न्यानो कपडा वितरण गरिएको हाम्रो पहिलो पाईला संस्थाका अध्यक्ष प्रदिप जंग कार्कीले जानकारी दिए।
कार्यक्रममा उपस्थित विद्यार्थी मध्ये एकजनाले जाडोको बेलामा न्यानो कपडा वितरण गरेर सहयोग पुर्याएकोमा खुसी व्यक्त गरे ।
२४ मंसिर गते विराटनगरको ट्राफिक चौक स्थित कर कार्यालय अगाडी बसेर चिया बेचेको रकम तथा सामाजिक व्यक्तित्वको सहयोगबाट उठेको रकमबाट विद्यार्थीहरुलाई न्यानो कपडा वितरण गरिएको हाम्रो पहिलो पाईला संस्थाका सचिव अभिषेक गौतमले बताए।
उक्त संस्थाले २०७४ बाट सुरु गरेको अभियानले आर्थिक रुपले विपन्न विद्यार्थीहरुका लागी झोला, जुत्ता विद्यालयको पोसाक वितरण गरिसकेको छ।
हाम्रो पहिलो पाईलाले सामाजिक कार्य गर्दै आएको छ।
