विराटनगर । प्रदेश १ का मुख्यमन्त्री हिक्मतकुमार कार्कीले पुस २९ गते विश्वासको मत लिने भएका छन् ।
मुख्यमन्त्री कार्कीले पुस २९ गते विश्वासकोम मत लिने व्यवस्थाका लागि प्रदेशसभा सचिवालयलाई जानकारी गराएको एमालेका प्रमुख सचेतक रेवतीरमण भण्डारीले जानकारी दिए ।
‘मुख्यमन्त्री ज्यु ले २९ गते विश्वासकोमत लिने व्यवस्थाका लागि प्रदेशसभा सचिवालयलाई जानकारी गराइसकेका छौं,’ उनले आवर विराटनगरसँग भने,‘यो सँगै सभामुख निवविरोध हुनुभएको छ घोषणा हुनु बाँकी छ, २८ गते लगभग घोषणा हुन्छ । ’ उनले ३० गते उपसभामुख पनि चयन हुने जानकारी दिए ।
प्रदेश १ मा माओवादी केन्द्रको असन्तुष्टिको विषयमा कसरी छलफल गरिरहनुभएको छ भन्ने प्रश्नमा उनले कुनै समस्या नभएको र करिब मिलि सकेको दाबी गरे ।
प्रदेशसभामा प्रतिनिधित्व गर्ने ६० जना प्रदेससभा सदस्यको समर्थनमा कार्की पुस २४ गते कार्की मुख्यमन्त्रीमा नियुक्त भएका हुन् ।
