काठमाडौँ । यती एयरलाइन्सको एटीआर ७२ विमान दुर्घटना भएकोमा सरकारले आज अत्यावश्यक सेवाबाहेक नेपाल राज्यभर शोक बिदा दिएको छ ।
मन्त्रिपरिषद्को निर्णय अनुसार राष्ट्रिय झण्डा आधा झुकाइने गृह मन्त्रालयले जानकारी दिएको छ ।
सहसचिव तथा प्रवक्ता फणिन्द्रमणि पोखरेलले सरकारले घटनाप्रति दुःख व्यक्त गरेको बताएका छन् । आइतबार बिहान १०:३२ बजे काठमाडौँबाट पोखरा उडेको दुई पाइलट, दुई जना एयर होस्टेस र ६८ जना यात्रु बोकेको यतीको एटीआर ७२ विमान दुर्घटना भएको थियो ।
कास्की जिल्लाको पोखरा महानगरपालिका- १५ नयाँ गाउँस्थित सेती नदीको खोचमा दुर्घटना भएको थियो ।
फोटो:फाइल
