विराटनगर । कोशी राजमार्ग अन्तर्गत विराटनगर–३ ढाटमा बुधबार बिहान भएको दुर्घटनामा परी एकजनाको मृत्यु भएको छ ।
मृत्यु हुनेमा सुनसरी धरान–८ का ५५ वर्षीय प्रेमबहादुर श्रेष्ठ रहेका छन् । उनी प्रदेश १ संसदसचिवालयका कर्मचारी हुन् ।
हाईवेमा बिहान ८:५५ बजे भएको दुर्घटनामा उनी गम्भीर घाईते भएका थिए । तत्काल उपचारका लागि विराट टिचिङमा भर्ना गरिएका उनको दिउँसो मृत्यु भएको मोरङ प्रहरीका नायव उपरीक्षक दिपक श्रेष्ठले जानकारी दिएका छन् । दक्षिणबाट उत्तरतर्फ गईरहेको को ३८ प ५३८७ नम्बरको स्कुटी र विपरित दिशाबाट आउँदै गरेको प्रदेश १ –०४–००१ ब ०००७ नम्बरको मोटरसाइकल एकअर्कामा ठक्कर खाएको थियो । मृतक श्रेष्ठ मोटरसाइकलमा सवार रहेका थिए ।
स्कुटीमा सवार बुढीगंगा–२ का रोशन बिकलाई समेत गहिरो चोट लागेको छ । उनको नाक तथा अनुहारमा चोट लागेको हो । स्कुटीको पछाडी रहेका विराटनगर–४ का २५ वर्षीय बिशाल प्रसाँई समेत घाईते भएका थिए ।
उनीहरुको बिराटमा उपचार भईरहेको छ ।
