विराटनगर । विराटनगर महानगरपालिका-१५ स्थितबाट प्रतिबन्धित लागुऔषध ब्राउन सुगरसहित शुक्रबार दुई जनालाई प्रहरीले पक्राउ गरेको छ ।
पक्राउ पर्नेमा धरान उप-महानगरपालिका-५ का २२ बर्षीय अमन अछामे र २२ बर्षीय संजिव बिश्वकर्मालाई प्रहरीले पक्राउ गरेको हो ।
आज बिहान लागुऔषध नियन्त्रण ब्युरो विराटनगरबाट खटिएको प्रहरी टोलीले भारतबाट नेपाल तर्फ आउदै गरेका पैदल यात्री चेकजाँचको क्रममा १ ग्राम ५६ मिलिग्राम ब्राउन सुगर बरामद गरेको थियो ।
ब्राउन सुगर सहित पक्राउ परेका दुबै जनाको इलाका प्रहरी कार्यालय रानीबाट थप अनुसन्धान भईरहेको प्रहरीले जनाएको छ ।
