विराटनगर । माघ १९ गते देखि सञ्चालनमा आएको सिएनआई कोसी एक्सपोमा दैनिक तीस हजारले अवलोकन गर्दै आइरहेको आयोजकको दाबी छ ।
एकसाता देखि सञ्चालनमा आइरहेको एक्सपोमा दैनिक जस्तो तीस हजारले अवलोकन गर्दै आईरहको आयोजक संस्था नेपाल उद्योग परिसंघ प्रदेश १ ले जनाएको हो ।
दैनिक हजारौँमा आउने अवलोनकर्ताको सहभागिताले एक्सपोमा सहभागिता जनाएका उद्योगी व्यवसायीलाई थप उत्साह थपेको आयोजकको भनाई छ । आयोजकका अनुसार एक्सपोमा विभिन्न स्थानीय परिकारका स्टलहरु, नयाँ प्रविधिमैत्रि खेल अवलोकनकर्तालाई आकर्षित गरेको छ ।
हरेक साँझ आयोजना भईरहको सांस्कृतिक कार्यक्रमले पनि दर्शकहरुलाई एक्सपोसम्म तान्ने गरेको छ । एक्सपो आयोजना गर्दा एक करोड भन्दा बढी खर्चिनुपर्ने उद्योगी व्यवसायीहरुको भनाई छ। त्यसो त वर्षौदेखि विराटनगरमा स्थायी औद्योगिक प्रदर्शनी केन्द्र निर्माणका लागि तीनै तहका सरकारलाई उद्योगी व्यवसायीहरुले माग राख्दै आइरहेका छन् । तर, पनि प्रदर्शनी केन्द्रका विषयमा तीनै तहको सरकारले ध्यान नदिएको उनीहरुको गुनासो छ ।
दैनिक जस्तो हजारौँको संख्यामा अवलोकनकर्ताहरु आउने भए पनि हालसम्म कति आम्दानी भयो भन्ने यकिन विवरण आइनसकेको आयोजकले जनाएको छ।
