विराटनगर । मोरङको बुढीगंगा गाउँपालिकाको टंकीसिनवारीमा बुधबार बसले सिटी सवारीलाई ठक्कर दिदाँ एक गम्भीरसहित तीनजना घाईते भएका छन् ।
विराटनगर–जनकपुर रुटको ना ४ ख ८४३९ नम्बरको बसले प्रदेश १–०२–००३ ह ३७५४ नम्बरको सिटी सफारीलाई ठक्कर दिदाँ सिटीमा सवार तीनजना घाईते भएका हुन् ।
जिल्ला ट्राफिक प्रहरी कार्यालय मोरङका प्रमुख राजकुमार कार्कीका अनुसार सिटीमा सवार ७६ वर्षीया मैयादेवी कोइराला गम्भीर घाईते भएकी छिन् । यसैगरी ५१ वर्षीय मनिराम कोइराला र सिटी सफारी चालक ६८ वर्षीय गणेश मेहता सामान्य घाईते छन् ।
उनीहरुको नजिकको अस्पतालमा उपचार भईरहेको छ ।
