विराटनगर । मोटर साईकल दुर्घटना हुँदा मृत्यु भएको दुईजनाको अझै पहिचान खुल्न सकेको छैन ।
बुढीगंगा गाउँपालिका ४ मा मोटर साईकल दुर्घटना हुँदा दुईजनाको मृत्यु भएको प्रहरीले जनाएको छ । प्रहरीको अनुसार सोमबार बिहान करिब ९ बजे बुढीगंगा गाउँपालिका ४ स्थित दक्षिणबाट उत्तर तर्फ जाँदै गरेको बा ६३ प ७२७ नम्बरको मोटरसाईकल अनियन्त्रित भई बिजुलीको पोलमा ठक्कर खाई दुर्घटना हुँदा मोटरसाईकल चालक र पछाडी सवार दुवै जनाको मृत्यु भएको थियो । जसको अझैसम्म पहिचान नखुलेको प्रहरीले जनाएको छ।
प्रहरीले दिएको जानकारी अनुसार मोटरसाइकल चालकको उमेर अन्दाजी ३०/३४ बर्षको पुरुष र अन्दाजी ४ फिट ५.४ ईन्च उचाई रहेको साथै उनले निलो र पहेलो कलरको ट्राकसुट लगाएको छन् ।
पछाडी सवार उमेर अन्दाजी २८/२९ बर्षको पुरुष अन्दाजी ४ फिट ५ ईन्च उचाई रहेको र उनले कालो जम्पर लगाएको प्रहरीले जानकारी दिए ।
दुवैजनाको विराट टिचिङ अस्पतालमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ । मृतकहरुको पहिचान नखुले पछि कोशी अस्पतालको शव गृहमा राखिएको अस्पताल प्रशासनले जनाएको छ ।
मृतक दुवैजनाको पहिचान नखुलेपछि आफन्तले जिल्ला प्रहरी कार्यालय मोरङको ९८४२०३८३४४ मा सम्पर्क गर्न समेत प्रहरीले अनुरोध गरेको छ।
