विराटनगर । मारवाडी युवामञ्च विराटनगरले दुई दिवसीय भव्य होली रंगारंग कार्यक्रम मनाउने भएको छ ।
मञ्चले भोली शुक्रबार विराटनगरमा होली अलबेला बारात कार्यक्रम गर्ने भएको हो ।
विराटनगरको ट्राफिक चोक स्थित बोहरा निवासबाट निस्किने होली अलबेला बारातलाई गोल्छा चोक स्थित गोल्छा निवासमा भव्य स्वागत गर्ने कार्यक्रम रहेको कार्यक्रम संयोजक पवन पंकज पारखले जानकारी दिए । त्यसै लगतै भोलीपल्ट शनिबार विराटनगर स्थित जैन भवनमा मञ्चले भव्य समारोहको आयोजना गरेर महामूर्ख सम्मेलन, स्वाङ फेशन सो र सामूहिक गोठ प्रसाद ग्रहणको कार्यक्रम रहेको गर्ने मारवडी युवा मञ्च विराटनगरका अध्यक्ष जय शर्माले जानकारी दिए ।
मञ्चले शनिबार जैन भवनमा भव्य सांस्कृतिक कार्यक्रम आयोजना समेत गर्ने भएको छ । कार्यक्रममा राजस्थानी गायक कपिल जांगिड र कोमल कनवारको प्रस्तुती रहने जनाइएको छ ।
विगत १० बर्षदेखी निरन्तर रुपमा गर्दै आएको कार्यक्रमलाई यसपटक हरिसिंह उषादेवी दुगड च्यारिटेबल ट्रष्ट, गोल्छा आग्रनाईजेशन, केएल दुगड ग्रुप, करेन्ट चाउचाउ, पियर सफ्ट हाईजेनिक पियर, दिनबन्धु गोयल, चप्पालाल राठी, महाविर सिंह सचेती, राठी फायर केवलले सहयोग गरेका छन् ।
