सप्तरी, जेष्ठ १७
सप्तरीको मधुपट्टी गाविस ४ स्थित भित्री सडकमा आज बिहान ट्याक्टरले ठक्कर दिएर एघार वर्षिय एक बालकको मृत्यु भएको छ।
स्थानीय शिवनारायण चौधरीको छोरा रमित कुमार चौधरीलाई बाटो क्रश गर्नेक्रममा बिहान ६ बजेतिर स. १ त ३२१० नम्बरको ट्याकटरले ठक्कर दिएको हो।
ट्याक्टरको ठक्कबाट गम्भीर घाइते बालकको उपचारकालागी रामकुमार शारदा उमाप्रसाद स्मारक अस्पताल लहान लैजानेक्रममा मृत्यु भएको इलाका प्रहरी कार्यालय कडोरवनाले जनाएको छ।
बालकको शव सोही अस्पतालमा राखिएको छ भने ठक्कर दिने ट्याकटरलाई प्रहरीले नियन्त्रणमा लिएको छ।
