बिराटनगर जेष्ठ १७, - केहि दिन आगाडी प्रधानमन्त्रीको अध्यक्षतामा गठन भएको राष्ट्रिय सूचना तथा सञ्चार प्रविधि परिषदलाई पूर्णता दिइएकोमा आवर बिराटनगर डट नेटका सल्लाहकार तथा क्यान मोरंगका अध्यक्ष निर्मल तामाङ नियुक्त हुनुभएको छ ।
परिषदमा ८ जना सदस्य नियुक्त गरिएको छ । सूचना तथा सञ्चार प्रविधिसँग सम्बन्धित संघ संस्था मध्येबाट विनोद ढकाल र निर्मल तामाङलाई सदस्य नियुक्त गरिएको छ ।यसैगरि सूचना तथा सञ्चार प्रविधि सम्बन्धी अध्ययन/अध्यापन गराउने विश्वविद्यालय वा प्रतिष्ठानका सम्बन्धित प्राज्ञहरूमध्येबाट प्रा.डा. शशिधरराम जोशी र डा. मनिष पोखरेल , सूचना तथा सञ्चापर प्रविधि क्षेत्रका विशेषज्ञहरु मध्येबाट रोमकान्त पाण्डे र बाबुराम अर्याल तथा सूचना तथा सञ्चापर प्रविधि क्षेत्रमा काम गर्ने उद्यमी/व्यवसायी मध्येबाट वसन्त वन र सुरेश रेग्मी सदस्य नियुक्त भएका छन् ।
नेपाल उद्योग वाणिज्य महासंघबाट रहने पदेन सदस्यमा भने सञ्जीव राजभण्डारी तोकिएका छन् ।वैशाख ३० गते बसेको मन्त्रिपरिषद बैठकले राष्ट्रिय सूचना तथा सञ्चार प्रविधि परिषद गठन गरेको थियो ।
