विराटनगर । अल नेपाल ठग्स फेमिली ‘एनटीएफ’ले आयोजना गरेको ‘र्याप ब्याटल ’ बाट एक्कासी चर्चामा आएका जी- बब नामले लोकप्रिय बनेका र्यापर सुदिप भण्डारी बुढीगंगा महोत्सवमा आज साँझ आउने भएका छन्।
मितेरी युवा क्लबको आयोजनमा फागुन २६ बाट जारी महोत्सवमा आज र्यापर जी- बबले आफ्नो साङ्गीतिक प्रस्तुती दिने साँस्कृतिक कार्यक्रम संयोजक रमेश भट्टराईले जानकारी दिए ।
साँझ ६ बजेदेखि सुरु हुने साङ्गीतिक कार्यक्रममा र्यापर जी- बबसँगै स्थानीय कलाकार र समूहको प्रस्तुति रहनेछ ।
बुढीगंगाको पहिचान,हाम्रो अभियान भन्ने नारासहित आयोजना गरिएको महोत्सव चैत ११ गतेसम्म आयोजना हुनेछ। महोत्सवको टिकट दर १०० रुपैयाँ राखिएको आयोजकले जनाइएको छ ।
