विराटनगर । माेरङकाे बुढीगंगा गाउँपालिका-३ एसियन पेट्रोल पम्पको उत्तर पटी जारी महोत्सवमा आज साँझ चर्चित गायक शिव परियार आउने भएका छन् ।
मितेरी युवा क्लबको आयोजनमा फागुन २६ बाट जारी महोत्सवमा आज गायक शिव परियारले आफ्नो साङ्गीतिक प्रस्तुती दिने साँस्कृतिक कार्यक्रम संयोजक रमेश भट्टराईले जानकारी दिए ।
साँझ ६ बजेदेखि सुरु हुने साङ्गीतिक कार्यक्रममा शिव परियारसँगै स्थानीय कलाकार र समूहको प्रस्तुति रहनेछ ।
बुढीगंगाको पहिचान,हाम्रो अभियान भन्ने नारासहित आयोजना गरिएको महोत्सव चैत ६ गतेसम्म आयोजना हुनेछ। महोत्सवको टिकट दर १०० रुपैयाँ राखिएको आयोजकले जनाइएको छ ।
