काठमाडौँ । एलोन मस्कले ट्विटरमा अर्को ठूलो परिवर्तन गरेका छन्।
यस पटक उनले ट्विटरको लोगो परिवर्तन गरेका हुन् । उनले नीलो चरा हटाएर कुकुरलाई नयाँ लोगो बनाएका छन्।
उक्त परिवर्तन पछि प्रयोगकर्ताहरू धेरै आश्चर्यचकित भएका छन्। किनभने ट्विटरले आफ्नो नयाँ लोगो ‘डगी’ बनाएको छ । ट्विटरका मालिक एलोन मस्कले यसबारे चर्चा गरेका छन्, त्यसपछि यो विश्वास गरिएको छ कि डग्गी ट्विटरको नयाँ लोगो हुनेछ।
सोमबार रातीदेखि प्रयोगकर्ताहरूले आफ्नो ट्विटर खातामा नीलो चराको सट्टा कुकुर देख्न थाले। यो लोगो देखेर प्रयोगकर्ता छक्क परेका छन् । ट्वीटरको मोबाइल एप र ब्लग देखि अन्य आधिकारिक साइटहरूमा ट्वीटरकै लोगो देखिन्छ भने डजक्वाइनको लोगो भने ट्वीटरको वेबसाइटमा मात्र देख्न सकिन्छ ।
अमेरिकी अर्बपति मस्कले गत अक्टोबरमा ट्विटर खरिद गरेका थिए। त्यसपछि मस्कको निर्णयका कारण चर्चामा रहे। जसमा ब्लु टिकको शुल्क, कर्मचारी कटौती, सीईओलाई हटाउने कार्य समावेश थियो।
