विराटनगर । विराटनगरमा ब्युटिसियनहरूलाई थप क्षमना अभिवृद्धी गर्ने उदेश्यका साथ एक दिने ‘बेरिना हेयर टेक्निकल’ तालिम प्रदान गरिएको छ ।
राष्ट्रिय सौन्दर्यकर्मी युनियन नेपाल विराटनगर नगर कमिटिले मंगलबार हेयर कटिङ्ग सम्बन्धी तालिम दिएको हो । तालिममा विराटनगरका ८० जना भन्दा बढी व्युटिसियनहरु सहभागी सहभागी थिए ।
विराटनगरमा व्युटिपार्लर व्यावसाय संञ्चालन गर्दै आएका ब्युटिसियनहरुको क्षमता अभिवृद्धी गर्दै हेयर कटिङ्गदेखी हेयरको विभिन्न स्टाईल लुक्सको कलरहरु बनाउने प्रशिक्षण प्रदान गरिएको थियो । साथै हेयरका नयाँ टेक्निकल सम्बन्धी बेरिना हेयर टेक्निकल सेमिनर आयोजना गरिएको राष्ट्रिय सौन्दर्यकर्मी युनियन नेपाल विराटनगरकी अध्यक्ष भली सुब्बाले जानकारी दिइन् ।
सेमिनरको सहजिकरण हबिज फेयर ब्युटि सैलुनका हेयर एक्सपर्ट कृष्ण पन्थि लगायत उनको समुहले गरेका थिए । कार्यक्रममा राष्ट्रिय सौन्दर्यकर्मी युनियन नेपालकी उप महासचिव ममता प्रधानले तालिममा सिकेको ज्ञान व्यवहारमा उतार्नु पर्नेमा जोड दिइन् । बेरीना कम्पनीकी मेनेजर सुमा चित्रकारले हेयरको नयाँ टेक्निकल बारेमा तालिममा सिकेको ज्ञान दैनिक जिवनमा उतार्नु पर्ने बताइन् ।
उक्त कार्यक्रममा सहयोग बेरीना कम्पनीले गरेको थियो । साथै कार्यक्रममा प्रशिक्षक तथा अतिथीहरुलाई मायाको चिनो समेत प्रदान गरिएको थियो ।
