विराटनगरको कन्चनबारी चोकमा मालवाहक ट्रकको ठक्करबाट आज बिहान एक पैदलयात्रीको मृत्यु भएको छ ।
विराटनगरबाट बूढीगंगा गाँउपालिकातर्फ जाँदै गरेको ना.४ ख ८६७९ नम्बरको ट्रकले बिहान करिब सवा सात बजेतिर ठक्कर दिँदा अन्दाजी ५५ वर्षीय पुरुषको मृत्यु भएको जिल्ला प्रहरी कार्यालय मोरङले जनाएको छ ।
सडक पार गर्ने क्रममा उनलाई ट्रकले ठक्कर दिएको थियो ।
उनको घटनास्थलमै मृत्यु भएको हो । प्रहरीले ट्रक चालक र ट्रकलाई नियन्त्रणमा लिएको छ ।
