विराटनगर । नेकपा एमाले कोशी प्रदेश संसदीय दलको उपनेतामा रामबहादुर राना मगरलाई मनोनीत गरिएको छ । नेकपा एमाले संसदीय दलका नेतासमेत रहेका कोशी प्रदेशका मुख्यमन्त्री हिक्मतकुमार कार्कीले उनलाई उपनेतामा मनोनीत गरेका हुन् ।
सचेतकमा सृजना राईलाई मनोनीत गरिएको छ । दुवै जनालाई संसदीय दलका नेता एवं मुख्यमन्त्री कार्कीले बुधवार मनोनीत गरेका हुन् । राना मगर इलाम क्षेत्र नम्बर २ (२) बाट निर्वाचित भएका थिए । राई समानुपातिकबाट सांसद बनेकी हुन् ।
