विराटनगर । विराटनगर १२ स्थित विनायक बोर्डिङ सेकेण्डरी
स्कुलले शिक्षकलाई कक्षा व्यवस्थापन तालिम सम्बन्धी तालिम दिएको छ।
अनुकूल सिकाई वातावरणलाई बढावा दिने प्रयासमा, प्रभावकारी कक्षाकोठा व्यवस्थापनमा केन्द्रित एक दिने तालिम दिएको हो।
तालिमले व्यवहार व्यवस्थापन प्रविधिहरू, सकारात्मक विद्यार्थी-शिक्षक सम्बन्धलाई बढावा दिने, र समावेशी कक्षाकोठाको वातावरण सिर्जना गर्ने जस्ता विषयहरूमा प्रशिक्षण गराईएको स्कुलले जनाएको छ । शिक्षकहरूको बुझाई र रणनीतिहरूको प्रयोग बढाउन व्यवहारीक अभ्यास र केस स्टडीहरू प्रयोग गरिएको थियो। उक्त तालिमको प्रशिक्षण महेन्द्र मोरङ आदर्श बहुमुखी क्याम्पस बीआईसी संकाय विकास शर्मा सेडाईले गरेका थिए।
विनायक बोर्डिङ सेकण्डरी स्कुल विद्यालयले आफ्ना संकायको शिक्षण क्षमतालाई निरन्तर अभिवृद्धि गर्न र आफ्ना विद्यार्थीहरूलाई समृद्ध शैक्षिक अनुभव प्रदान गर्न यस्ता थप प्रशिक्षण कार्यक्रमहरु सञ्चालन गर्ने योजना रहेको विद्यालयका व्यवसाय प्रमुख अश्विनी ठाकुरले बताईन।
स्कुलले यसअघि पनि शिक्षक तथा विद्यार्थीका लागि विभिन्न तालिम सञ्चालन गर्दै आएको स्कुलका प्रबन्ध निर्देशक कमलेश ठाकुरले जानकारी दिए।
