विराटनगर । कोशी प्रदेशस्तरीय स्कुल डान्सिङ प्रतियोगिताको अडिसन सम्पन्न भएको छ।
शनिबार कोशी प्रदेशका विभिन्न विद्यालयका १०० भन्दा बढी सहभागीतामा अडिसन राउण्ड सम्पन्न भएको हो ।
विभिन्न विद्यालयका प्रतियोगीहरुले आफ्नो उत्कृष्ट प्रदर्शन दिएको भाइरल हुड डान्स स्टुडियो विराटनगरका संस्थापक साहिल खानले बताए।
अडिसन राउण्डको निर्णायक विराटनगरका दुई अनुभवी कोरियोग्राफर सन्नी सहनी र दिपिना श्रेष्ठले गरेका थिए ।
प्रस्तुति सुरु भएपछि, समकालीन र हिप-हपदेखि शास्त्रीय र सांस्कृतिक नृत्यहरू सम्मका नृत्य शैलीहरूको देखाईएको भाइरल हुड डान्स स्टुडियोका निर्देशक विकी घिमिरेले जानकारी दिए।
