विराटनगर । सर्वोच्चको आदेशको विरोधमा नागरिकता विहिन युवाहरुले विराटनगरमा प्रदर्शन गरेका छन् ।
राष्ट्रपति रामचन्द्र पौडेलले जेठ १७ गते प्रमाणीकरण गरेको नागरिकता विधेयक कार्यान्वयन नगर्न सर्वाेच्च अदालतले अल्पकालीन आदेश दिएपछि विराटनगरमा युवाहरुले प्रदर्शन गरेका हुन् ।
आइतबार न्यायाधीश डा. मनोजकुमार शर्माको एकल इजलासले अल्पकालीन आदेश दिंदै अन्तरिम आदेशबारे छलफलका लागि २६ जेठ (आगामी शुक्रबार) दुवै पक्षलाई झिकाएको छ ।
सर्वोच्चको आदेशको विरोधमा युवाहरूले आइतबार साँझ पनि टायर बालेर नाराबाजी गर्दै प्रदर्शन गरेका थिए ।
