विराटनगर । विराटनगरको ग्रिनल्याण्ड कलेजले आफ्ना उकृष्ट हुने पूर्वविद्यार्थीलाई बधाई तथा अभिनन्दन गरेको छ ।
कलेजले विहीबार एक कार्यक्रमको आयोजना गरी कलेजमा विभिन्न संकायमा अध्ययन गरेका ३९ जना विद्यार्थीहरुलाई उच्च सम्मान गर्दै विदाई तथा अभिन्नदन गरेकको हो । कलेजमा एम.बि.बि.एसका ५, बि.एस्सी. नर्सिङ ६ , पारामेडिकल २, बि.भि.एस सी १, इन्जिनियरिङ १३ , बिएमएलटी ६, बि.बि.ए ३ तर्फ पूर्णछात्रवृत्तिमा नाम निकाल्न सफल पूर्वविद्यार्थीहरुलाई कलेजले बधाई तथा सम्मान गरेको कलेजका प्राचार्य दिपक पोखरेलले जानकारी दिनुभयो ।
उच्च शिक्षा अध्ययनकालागि देशभरीका विभिन्न शिक्षण निकायले लिएको परीक्षामा ग्रिनल्याण्ड कलेजका ३९ जना विद्यार्थीहरुले पूर्णछात्रवृत्तिमा नाम निकाल्न सफल भएका थिए । कलेजका प्रिन्सिपल दिपक पोखरेल, निर्देशक कृष्ण यादव, संचालक राजिव मिश्र, पिताम्बर लुईंटेल, रविन्द्र मिश्र र पुरुषोत्तम कार्कीले पूर्ण छात्रवृत्तिमा नाम निकाल्न सफलता प्राप्त गरेका पूर्वविद्यार्थीहरुलाई प्रशंसा–पत्र दिएर बधाई तथा अभिनन्दन गरेका थिए ।
कलेजका पूर्वविद्यार्थी चन्दनकुमार यादव, इच्छा खतिवडाले जीवनमा सफलता प्राप्त गर्न कडा मेहनत र लगनशिलका साथ अध्ययन गर्न कलेजका विद्यार्थीलाई सुझाव दिए । २०७१ सालमा स्थापना भएको ग्रिनल्याण्ड कलेजमा कक्षा ११ र १२ तर्फ विज्ञान संकाय, कम्प्यूटर संकाय, व्यवस्थापन संकाय र होटल व्यवस्थापन संकायतर्फका कक्षा संचालन भईरहेका छन् ।
कलेजले कक्षा ११ देखिनै विद्यार्थीहरुलाई एम.बि.बि.एस. र इन्जिनियरिङका प्रवेश परीक्षाका कक्षा संचालन गरिरहेकोले एम.बि.बि.एस. र इन्जिनियरिङमा धेरै विद्यार्थी पूर्वछात्रवृत्ति कोटामा नाम निकाल्न सफल भईरहेका छन् ।
