विराटनगर । मित्रराष्ट्र भारतमा हुन लागेको “अल ईन्डिया ओपन फुल कराँते टुर्नामेन्ट २०२३” मा सहभागी जनाउन लागेका खेलाडीहरुको विदाई गरिएको छ ।
भारतको अलिपुदार न्यौटन वेष्ट वेङगालमा जुन १० र ११ गते हुने अन्तराष्ट्रिय प्रतियोगितामा नेपाल क्योकुशिन बुँदो कराँते साकाई संघको तर्फबाट जाने खेलाडीहरुलाई विदाई गरिएको हो ।
नेपाल फुल कन्ट्याक कराँते संघ , राष्ट्रिय खेलकुद परिषद र सेन्ट्रल डोजो रानी विराटनगर मोरङले बिहिबार विहान एक कार्यक्रमको आयोजना गरी १ जना कोच सहित १६ जना खेलाडीको विदाई गरेको हो ।
विदाई कार्यक्रममा प्रमुख अथिती नेपाल खेलकुद महासंघ मोरङका अध्यक्ष मनोज खड्का, विशिष्ट अतिथी वडा नम्बर १६ का वडा अध्यक्ष उद्धव भुजेल, लायन्स क्लव मिल्श एरीयाका प्रतिनिधी कैलाश साह , वृहत सहकारीका अध्यक्ष योगेन्द्र साह , समाज सेवी प्रह्लाद बस्नेत , युवा गायक दिपेन थापा , राजेन्द्र साह , ओवी मिडियाका डाईरेक्टर प्रेम देवान लगातले खेलाडीहरुलाई खदा र माला लगाएर विदाई गरेको कार्यक्रम संयोजक गोपाल सिहले जानकारी दिनुभयो ।
विदाई कार्यक्रममा बोल्दै नेपाल खेलकुद महासंघ मोरङका अध्यक्ष मनोज खड्काले खेलको उन्नती र विकासको लागी राज्यले पहल गर्नुपर्ने बताउनुभयो । यहाँका स्थानिय खेलाडीहरुको विकास र समृद्धीको लागी यहाँको स्थानिय सरकार महानगर , वडा कार्यलयले बजेट बिनियोजन गरेर खेलाडीहरुको उच्च मनोबल बढाउनुपर्नेमा जोड दिनुभयो । पहिलो कुरा राज्यले खेलाडीहरुको विकासका निम्ती पहल गर्नुपर्ने दोस्रो यहाँका संघसस्थाले पनि पहल गर्न सके खेलाडीहरुलाई केही राहत मिल्ने समेत बताउनुभयो ।
यता कार्यक्रममा विशिष्ट अतिथी वडा नम्बर १६ का वडा अध्यक्ष उद्धव भुजेलले रानी मिल्श एरीयाको खेलकुद विकासको लागी आफु लागी परेका बताउनुभयो । आफु पनि पुर्व खेलाडी भएका कारण खेलकुदको विकासमा बजेट छुटाएर नै लागी पर्ने प्रतिवद्धता जाहेर गर्नुभयो । यसैविच समाजसेवी प्रह्लाद बस्नेत र लायन्स क्लव रानी मिल्शले पनि खेलाडीहरुलाई केही आर्थिक रकम सहयोग गरेको थियो ।
यता खेलाडीहरुलाई लिएर गएका कोच मिन गुरुङले खेलाडीहरुलाई राम्रोसँग तालिम गराएका कारण गोल्ड मेडल सहित स्वर्ण पदक जितेर ल्याउने प्रतिवद्धता जाहेर गरे । यस अघि पनि ४ जना खेलाडीलाई भारतमा भएको खेलमा दोस्रो र तेस्रो पद जितेर आएका थिए ।
