विराटनगर । हावाहुरीले विद्युत पोल ढालेपछि विराटनगरमा अझै विद्युत अवरुद्ध भएको छ।
बुधबार रातिको हावाहुरीले विराटनगरका विभिन्न स्थानमा विद्युत पोल ढालेको कारण विद्युत अवरुद्ध भएको हो ।
हावाहुरीले विभिन्न स्थानमा विद्युतका ढालेका पोलहरुको मर्मत भईरहेको नेपाल विद्युत प्राधिकरण विराटनगरले जनाएको छ ।
विद्युतको समस्या देखिएको ठाउँमा मर्मतको लागि कर्मचारीहरु खटाइएको प्राधिरणको भनाई छ ।
विराटनगरको विभिन्न स्थान तथा पश्चिम नहरको क्षेत्र,तिनटोलिया भन्दा दक्षिणको भागमा विद्युत अवरुद्ध भएको तर विराटनगरको अन्य क्षेत्रमा भने विद्युत सुचारु भएको नेपाल विद्युत प्राधिकरण विराटनगरका इन्जिनियर राजेन्द्र चौधरीले जानकारी दिए।
विराटनगरको अन्य क्षेत्रमा विद्युत सुचारु भएको पनि ओभर लोडका कारण विद्युत बेलाबेलामा जाने आउने क्रम जारी रहेको प्राधिकरण इन्जिनियर चौधरीले बताए ।
मर्मतको काम सकिएपछि मात्रै विद्युत सुचारु हुने प्राधिकरणले जनाएको छ ।
फोटो:फाइल
