विराटनगर । दधिराज सुवेदी पुरस्कारबाट वरिष्ठ साहित्यकार सनत रेग्मी र पत्रकार अनन्तराज न्यौपाने पुरस्कृत भएका छन् ।
रेग्मीलाइ साहित्य र न्यौपानेलाई पत्रकारिता क्षेत्रमा योगदान पुर्याएबापत दधिराज सुवेदी पुरस्कार प्रतिष्ठानले शुक्रबार पुरस्कृत गरेको हो ।
संघीय सरकारका युवा तथा खेलकुदमन्त्री डिगबहादुर लिम्बूले दुवैजनालाई पुरस्कृत गरेका हुन् । साहित्य पुरस्कार ५१ हजार र पत्रकारिता पुरस्कार २५ हजार राशिको हो ।
आर्थिक बिटमा पत्रकारिता गर्ने न्यौपाने विराटनगरका अग्रज पत्रकार हुन्। रेग्मी नेपालगञ्जका साहित्यकार हुन् ।
विराटनगरका प्राज्ञ दधिराज सुवेदीको जीवनकालमै उनका छोराले स्थापना गरेको प्रतिष्ठानले सात वर्षदेखि साहित्य र पत्रकारितामा योगदान दिने व्यक्तित्वलाई सम्मान तथा पुरस्कृत गर्दै आएको छ ।
