विराटनगर । साइकल यात्रुमाथि अमानवीय व्यवहार गर्ने आयुष भेटवाललाई जिल्ला अदालत मोरङले एक लाख धरौटीमा छाड्ने आदेश दिएको छ ।
जिल्ला अदालत मोरङका न्यायधीश दुर्गाप्रसाद ढुंगेलको इजलासले विराटनगर महानगरपालिका ४ का आयुष भेटवाललाई एक लाख धरौटीमा छाड्ने आदेश दिएको हो । आदशेपछि उनी धरौटी बुझाएर छुटेकका छन् । भेट्वामाथि आइतबार ज्यान मार्ने उद्योगको मुद्दा दर्ता भएको थियो तर सोमबार थुनछेक बहसपछि एक लाख धरौटीमा छाड्ने आदेश भएको जिल्ला अदालत मोरङले जनाएको छ ।
घटनामा संलग्न भनिएका अर्का प्रतिवादी १७ वर्षे किशोर फरार छन्।
अदालतबाट उनलाई पक्राउ गर्न ३५ दिने सूचना जारी भएको छ । कार चालक तेह्रथुमको फेदाप गाउँपालिका - ४ का ३० वर्षीय रोशन कार्कीविरुद्ध मुद्दा नचल्ने निणर्य सरकारी वकिलको कार्यालयले गरेको छ ।
घटना के थियो ?
असार १९ गते करिब ८ बजेतिर कामबाट घर फर्किदै गरेका साइकल यात्री २७ वर्षिय पवनकुमार साह माथि भेटवालले दुध फारम अगाडी मुक्का प्रहार गरेका थिए । उनले गलत दिशाबाट साइकल कुदाएको भन्दै बा १५ च ३४४५ नम्बरको कारमा सवार भेटवालले मुक्क साहमाथि मुक्का प्रहार गर्दा उनी सडकमा ढलेका थिए ।
सडकमा ढलेको साहलाई अमानविय तरिकाले घिसार्दै सडक छेवैमा छाडेर भेटवाल आफ्नो गन्तव्यमा लागेको दृश्य समाजिक सञ्जालमा सार्वजनिक भिडियोमा देख्न सकिन्थ्यो । साहको साइकल भने अर्का कुशल भेटवावलले किनारमा फालिदिएका थिए । कुटाइपछि बेहोस बनेको साहलाई प्रहरीले स्थानीय को समन्वयमा कोशी अस्पतालमा उपचारका लगि पु¥याएका थिए ।
घटनापछि फरार रहेको भेटवाललाई प्रहरीले घटना भएको १० घण्टामा घरैबाट नियन्त्रणमा लिएको थियोे ।
