विराटनगर । ५५ औं संस्करणको राधाकृष्ण रथ यात्राको अवसरमा वर्ल्डलिंक कम्युनिकेसन्सले ग्राहकलाई ५५ दिन नि:शुल्क इन्टरनेट दिने भएको छ ।
रथयात्राको अवसरमा २०० एमबिपीएसदेखि माथीको इन्टरनेट स्पीडको वार्षिक ग्राहक बन्ने तथा वार्षिक रिन्यु गर्ने ग्राहकलाई नि:शुल्क ५५ दिन इन्टरनेट प्रदान गरिने वर्ल्डलिंक कम्युनिकेसन्स विराटनगरले जनाएको छ। यो अफर विराटनगर महानगरपालिकाभित्र मात्रै लागु हुनेछ।
रथयात्रा विशेष अफर र अन्य जानकारीको लागि वर्ल्डलिंकको विराटनगर शाखाको सम्पर्क नम्बर ०२१५७००२० मा सम्पर्क गर्न सकिने वा कार्यालय भिजिट गरेर पनि बुक गर्न सकिने कम्पनीले जनाएको छ।
धार्मिक एवं साँस्कृतिक महत्व झल्काउने विराटनगरको राधाकृष्ण रथयात्रा श्रीकृष्ण जन्माष्टमीको भोलीपल्ट निकालिने ऐतिहासिक परम्परा रहेको छ । विराटनगर-१ स्थित श्रीराधाकृष्ण मन्दिर परिसरबाट वि.सं. १९८८ साल देखि युगल जोडी भगवान श्रीराधाकृष्ण आरूह ‘खट यात्राबाट प्रारम्भ भएको ऐतिहासिक जात्रा वि.सं.२०२५ सालबाट भव्य एवम् विशाल रथको निर्माण गरि निरन्तर रथयात्रा महोत्सव सञ्चालन हुँदै आएको थियो ।
